14 Jul
YAY FEST-in 2-ci günü uğurla başa çatıb
Azərbaycanın ilk və ən böyük yay festivalı olan YAY FEST-in 2-ci
günü uğurla başa çatıb.
İştirakçılar festivalın 2-ci gününə himni səsləndirməklə başlayıb. Daha sonra səhər idmanı edib, əyləncəli oyunlara qoşulub və müxtəlif formatda panellərdə iştirak ediblər.
Gün
ərzində iştirakçıların Dövlət Miqrasiya Xidmətinin rəisi Vüsal Hüseynov,
"ASAN Xidmət"in sədr müavini Ceyhun Salmanov, KOB-un İdarə Heyətinin
sədr müavini Faiq Abbasov, xalq artisti və dövlət mükafatı laureatçısı Vaqif Mustafayev, YAP Gənclər Birliyinin sədri Seymur
Orucov, Kənd Təsərrüfatı Nazirliyinin "AMAL" layihəsinin rəhbəri
Elvin Nəbiyev ilə görüşü baş tutmuşdur.
Festivalın 2-ci günü konsert proqramı ilə başa çatmışdır.
Qeyd edək ki,
“YayFest
– gənclər düşərgəsi” Azərbaycan Respublikasının Gənclər Fondu, Azərbaycan
Respublikasının Dövlət Turizm Agentliyi, Azərbaycan Tələbə Gənclər Təşkilatları
İttifaqının və “Cavan” gənclər Hərəkatı İctimai Birliyinin birgə təşkilatçılığı
ilə Şahdağ Turizm Mərkəzinin ərazisində həyata keçirilir.
Baxış sayı: 3018